Monday, August 11, 2014

මගෙ හිමි සද

මා කියනා ගී පදවැල් අහන්න
මා ලියනා කවි සීපද කියවන්න
දෙඅත් වලින් ගෙල බදාන නැලවෙන්න
මගෙ හිමි සදට පොඩි වේලාවක් නැද්ද

 යහනේ  සිටන් එන සුසුමන් නොදැනේද
සිහිනෙන්වත් මා හා තනි රකිනවද
මුනිවත රැකන් කියනා දෙය නොතේරෙ
මගේ හිමි සද ආලය නොදන්නෙ

දුරින් හිදන් නුබ සැනසේනම් ඔහොම
ලගින් ඉන්න මා තෝරාගත්තේ කුමට
වින්දත් දහක් දුක් ඉවසාගෙන මෙහෙම
මමත් ලියක් මගෙ හිමි හට ආලය කරන

තනියෙන් හඩන මගෙ සිත නුබ නලවන්න
දන්නේ නැද්ද නැත්නම් ඔය නුබෙ හැටිද
නැද්දෝ ඉතින් මතකෙට මා පැමිණෙන්නේ
මගේ හිමි සදට වැඩ පමණද යුතු වන්නේ

දෑස පුරා  නුබ රිසිසේ දැක ගන්න
හිත පුරාම නුබෙ ආලය පුරවන්න
නුබට අවැසි නැත්නම් මෙය කුමකටද
මගෙ හිමි සදට දැන් මා නොවටින්නේද

අඩමින් ඉන්න මගෙ  සිත ගෙන නලවන්න
නුබව සොයන නෙතු සනහාලන්න
ළමැද හොවා නුබෙ  සුවදම විදගන්න
නුබ වැනි පුතෙක්වත් මගේ හිමි සද මට දෙන්න

~R.F~